أنا........ وصاحبي‏

السلام عليكم ورحمة الله وبركاته

كان حصلي موقف نتج عنه خاطره حابيت اشاركم بيها ...

كنت متفق مع واحد صاحبي نتقابل في مكان ....رجعت من الشغل وظبطت الموبيل علشان اصحى قبل المعاد بنص ساعه والحق اروح لصاحبي .
الموبيل ضرب وانا ماصحيتش ....صحيت على تليفون صاحبي ...انت فاين ؟؟؟انا واقف بقالي ربع ساعه ...قولت ليه دقيقه البس ومسافة السكه .
انا فعلا لبست في دقيقه ونزلت جري ......انتهى الموقف.

***لما اتكلم صاحبي ولقاني نايم انا زعلت وقومت بسرعه ولبست في دقيقه فعلا ويعني كنت شبه بجري علشان اروحله بسرعه.

*** انا عملت كده في الأول طبعا علشان احترام المواعيد وزوقيا ...لكن اكيد سرعتي وخوفي من زعله علشان بحبه وبقدره

*** وانا رايح لصاحبي ده ...رجعت الشريط من الأول من اول ماتصل....

وتذكرت ....ان الله سبحانه وتعالى يبسط يديه الكريميتين وينزل الي السماء الدنيا نزول يليق بجلال وجهه وعظيم سلطانه ...وينادي ..محتاج حاجه ...اغفرلك الذنب الفلاني ...اتوب عليك من المعصيه دي ....وانا ناااااااااااايم ...او بتفرج على التلفزيون او حتى على الكمبيوتر .

تذكرت .....لما اسمع نداء الصلاه ودعوة رب العباد للعباد زيارته في بيته وانا معرض... حديث رسول الله صلى الله عليه وسلم ' لا يتوضأ أحدكم فيحسن الوضوء ويسبغه ثم يأتي المسجد لا يريد إلا الصلاة فيه إلا تبشبش الله إليه كما يبشبش أهل الغائب بطلعته . ( رواه ابن خزيمه وصححه الألباني )'ان الله يبشبش في وجه المصلين كما يبشبش أهل المسافر عند رجوعه ...تبشبش ذي الأهل وابتسامتهم لرجوع ابنهم من السفر ولله المثل الأعلى .

تذكرت.... ان صاحبي لو تأخرت عليه كذا مره ممكن يزعل مني ومش يقابلني تاني . والله سبحانه وتعالى الملك كل يوم يبسط يديه ... وانا كل يوم معرض عنه ..واتبغض اليه بالمعاصي .....ولما قلبي يقسى واعرف ان لا ملجأ ولا منجا منه الا اليه واقول يارب ..يارب ...يارب ...يارب ....يقينا هو سبحانه وتعالى يرد لبيك عبدي ...لبيك عبدي ....لبيك عبدي ....لبيك عبدي ...

تذكرت.... لما قلبي يسود من المعاصي وحملي يتقل من المعاصي ..اعصيه واتوب اعصيه واتوب اعصيه واتوب ....وهو سبحانه وتعالى الحليم يقول 'علم عبدي أن له رباً يغفر الذنب ويأخذ به فغفر له' وفي النهايه يقول سبحانه وتعالى الكريم ' علم عبدي أن له رباً يغفر الذنب ويأخذ به فقال غفرت لعبدي فليعمل مايشاء'

تذكرت... قوله سبحانه وتعالى ' والله يريد أن يتوب عليكم ' هو عايز يتوب عليه وانا معرض وبقول بكره او بعده ...ربنا يسهل ...لما .... .
تذكرت قوله سبحانه وتعالى ' وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ (133)
وقوله سبحانه وتعالى :'سَابِقُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَن يَشَاء وَاللَّهُ ذُو الْفَضْلِ الْعَظِيمِ (21)


وانا في السباق باخد خطوه قدام وعشره ورا ...طاعه تعليني وبعدين تغرني معصيه ترجعني ذي ماكنت ...مش هو ده السباق ......


وفي النهايه عرفت اني ماليش غيره سبحانه وتعالى وهو ارحم بي من امي ...ولازم يكون همي رضاه ومغفرته ....بس هو يرضى سبحانه وتعالى
خايف تاخد خطوه قدام ليه ....؟

بجد حلو اوى اوى اوى تسلم ايدك يا r يا رب الى يقراه يفهم كويس ان دعوه ربى العباد اهم بكتير من دعوه العابد واجابتها اهم من اجابه دعوه العابد يا ريت كلكم تهتموا بصلاتكم وقربكم من ربنا لانه اهم حاجه ف الدنيا شكرا على الموضوع

حلوة اوي و مرسي كتير