الله يكون فى عون الزملكاويه

فاز غزل المحله امبارح على نادى الزمالك فى استاد الكليه الحربيه بعد ما ظهر نادى الزمالك بمستوى وحش للغايه بجد حرام مستوى اللعيبه ده وحرام اللى بيحصل
احساسى ان اللعيبه كانوا نازلين يخسروا ومروحين حاجه تفور الدم رغم انى بحب الاهلى اكتر بس نفسى الزمالك يرجع كويس بجد ومن غيرشماته لان المهم هو اننا نستمتع بكوره حلوه مش بس الاهلى يكسبلى كام بطوله والزمالك والاسماعيلى فى الباي باي
اوحش حاجه فى الماتش ده اللى عملته الجماهير وشيكابالا سابو الماتش والزمالك خسران وطلعوا عين شيكابالا وبدل ما شيكابالا يرد كده بجون حلو ولا حتى ترقيصه حلوه قعد يشوحلهم ويشاورلهم ان علاقته انتهت خلاص بنادى الزمالك وانها ما بقتش فارقه معاه لا كوره ولا بتاع
وعلى فكره الزمالك فى المركز السابع ولو فضل على المستوى ده كتير يبقى عليه العوض ومنه العوض بس انا برده لسه عندى امل ان نادى الزمالك ان شاء الله هيتحسن مع الوقت على الاقل هيبقى احسن من زمان

ربنا مع الزمالك وان شاء الله يبقي احسن قريب ويبقي ف المراكز الاولي.

على رايك يا بوسى بس سعيد ممكن يكون قصده انا الاهلى اشطر

والله انا معاك يا سعيد في الي انت بتقوله جبنالهم مدرب ومعملش حاجه يا رب يا بوسي فعلا يتقدم وبقى من المراكز الاولي

يا جماعا الزملكاويه مش عارف مستحملين الخساره دي ازاي المفروض على الاقل على الاقل ينتحروا بس كل الزملكاويه دمغهم نشفه لا عيزين ينتحروا ولا يبقو اهلويا

شكرا اولا مفيش زملكاوي يقدر يبقى اهلاوي او يتخلى عن فريقه لان الكل بيحب الفريق جدا بس انا بقى بحب الاتنين زملكهاويه بس اكره حد يقول حاجه ع الزمالك

شروق انتي خيبتي ظني فيكي انا كنت فاكر انك اهلويه

لا ما خيبتش ظنك انا زملكهاويه وبحب الزمالك جدااااااااا

انتي لازم تكوني زملكاويه مش زملكهويه

انا بعشق الزمالك جدااااااا بس بردو لما الاهلي يلعب مع اي حد تانى طبعا اتمنى انه يكسب خاصه لو مع فريق مش مصري صح

انا الي كتبت الكلام معلش بس اتبعتت غلط انها توتا

اللة يسامح اللى اتكلم على الزمالك كدة ماشى ياسعيد ربنا يسامحك ولا عشان انت اهلاوى تعمل كدة ياعنى على العموم واللة انت دمك خفيف جدا بشكرك ياعسل على الموضوع الحلو دة انا زملكوية يا اهلاوى بس ميمنعش انى بشجع الاهلى برضو تحياتى لك ميكى

معلس معلس سا ميكي
انتو فزتو امبارح 1\0
مبروووووووووووووووك