من الروتييييييييييييين المستمر

بنقول فى بلاد ليها عادات غريبه فى الجواز,طيب واحنا؟؟؟؟؟؟؟:think3:
احنا بقى ولله الحمد عادتنا مكلكعه وكل كولكعه معها شنيطه:cry2: ,وخلاص بقيت روتين يعنى العادى والطبيعى,طيب ما تيجوا نحاول نفهم كل كولكعه منهم.

الكولكعه الاولى:"الشبكه":closeeye:
مفروض انها عباره عن هديه"رمزيه" من العريس للعروسه,تقوم خالتى رمزيه يوصل سعرها ل10000 جنيه واحيانا اكتر بكتير, ,تفتكر لو عيد ميلادك هتنزل تخنق على اللى بتحبه وتقوله هاتلى هديه ما يقلش تمنها عن كذا ويكون شكلها كذا:واه يابوي ,ولو مجيتش الهديه بالموصفات ديه تبقى يا داهيه دقى:nunu0000: ,ويبقى نهار الوان على العريس خصوصا اللون الازرق حولين العين.:vava:

الكولكعه الثانيه:"المهر":closeeye:
مفروض برضه انه حاجه رمزيه,ورسولنا الكريم (ص)قال"اقلكن مهورا اكثركن بركه",لا ازاى لازم المهر يبقى يساوى تقل العروسه,كأن العريس ده رايح يشترى علبه زبادى,مش انسانه تشاركه حياته.:maaaad:
وايا كانت حاله العريس لازم يطلب اللى يساوى من وجهه نظر العروسه واهلها قيمتها,مع ان الموضوع مش كده,يعنى لو واحد عنده10 مليون جنيه,وادى العروسه مهر مليون جنيه,ولو واحد معاه 5000 جنيه ادى للعروسه 1000 جنيه,يبقى اى واحد منهم قدرها اكتر؟؟؟؟؟؟:أخخخ:

الكولكعه الثالثه:"مؤخر الصداق,قائمه العفش":closeeye:
نيجى عند الكولكعه دى والكل يقول وقف عندك دى اهم حاجه.ده يضمن لبنتى او لاختى او للعروسه نفسها حقها,يعنى ما يخدهاش لحم ويرميها عضم وفشه وكلاوى

,ولازم يفكر الف مره قبل ما يطلقها.
وياترى مين بقى العروسه اللى هتقبل ان جوزها يستمر معاها بس عشان مش قادر يدفع المؤخر؟؟؟؟؟؟؟؟؟؟؟
لا وايه ممكن يكون العريس ده ايده تقيله حبتين,يصبحها بعلقه,ويمسيها باخرى:nunu0000: ,وتبقى حياتها كلها الوان:chr58: :vava: :sniff: ,اشى ازرق واشى احمر واخضر,وعلى كل لون يا بطسطه لحد ما تقول حقى برقبتى,وتتنازل عن كل حاجه.
ياترى بقى الفلوس ضمنت ايه؟؟؟؟؟:hot:

الكولكعه الرابعه:"فرش الشقه":closeeye:
عايز تتفرج على الكوميديا السودا المنيله بنيله شوفها فى العفش,لما العريس والعروسه واهلهم يضربوا بعض بكل ما ثقل وزنه

عشان العروسه مش عايزاه تجيب الخلاط زى ما هما اتقفوا وعايزاه تدبس العريس فيه,او العكس.
وساعات كتير الجوزات بتتفشكل بسبب خلاط او سجاده واحيانا نجفه.:sniff:
مع ان العروسه مش هتجز لشقه ابن الجيران ولا العريس هيجز لشقه اخت مرات ابوه,دا بيته وبيتها,والطبيعى ان اى انسان طبيعى بيبقى نفسه بيته يبقى احسن بيت.
لكن من الواضح ان الخلاط اهم.:أخخخ:

الكولكعه الخامسه:"الشقه":closeeye:
لازم تكون خمس ست اوض وشرحه وبرحه يجرى فيها الخيل.
مع ان اللى هيعيشوا فيها شخصين بس.
واذا مش هنتكلم على المساحه يبقى اكيد الاعتراض هيكون على الموقع,لازم تكون شقه بحرى,انت عايز البنت تفطس من الحر والرطوبه؟؟؟؟؟:think3:
مع ان شخصين يكفيهم اوضه وصاله لبدايه حياتهم وكمان مش لازم تمليك ماله الايجار يعنى كخه؟؟؟؟؟
دى مجرد بدايه.:rosy:

الكولكعه السادسه:"الفرح":closeeye:
ممكن كل الكلكيع اللى فاتت يبقى سهل حلها,الا دى.
لان اهل العروسه لازم يتفشخروا ادام البشر.
حماه العريس: بص بقى انا لازم فرح بنتى يبقى احسن من فرح بنت ام احمد جراتنا,ولا عايز الناس تقول اننا رمينا البنت.:maaaad:
ويهديك يا طنط ,يرضيك يا طنط.
ابدا.
ولا اهل العروسه اللى هيعملوا الفرح:
حماه وحمى العروسه: بصوا بقى القاعه تاخد على الاقل 500 شخص,وطبعا لازم يكون فيه عشا محترم,احنا قريبنا ناس مهمين ومش عايزين احراج.:maaaad:
مع ان الفرح من اسمه فرحه,انما بالطريقه دى بيبقى قرحه فى المعده والمريء وليله سودا منقطه بكحلى.:sniff: :chr58:
الفرحه فى القلب,فى مكان بسيط يضم الناس القريبه من العريس والعروسه.

يا جماعه لو مش احنا اللى هنحاول نحل الكلكيع دى ,مين اللى هيحلها؟ لازم يبقى لينا راى فى حياتنا,لان ببساطه محدش هيعيشها غيرنا.
تتخيلوا الحاله لو فضلت كده,ولادنا هيعملوا ايه؟؟؟؟؟؟:think3:
اعتقد على ايامهم,اى جوازه تحصل هتيجى فى برنامج عجائب وطرائف.:hot:

وعندى فكره يا ريت كل اللى يقرا الموضوع يحط حل او حاجه مش تقليديه ممكن يعملها فى فرحه او فى اى حاجه فى رحله العذاب والضنى(الزواج سابقا).:closeeye:
منقوووووووووووووووووول lol!

انتي عارفة يا ميكي لو روحتي قولتي لام من امهات اليومين دول كده يا حبيبي هتخدي ب ب ب ب

ب
affraid

el shose

merse 3al mawdoooooo3 gaaamed

بصي باى انا هروح اشوف انا هتجوز مين و بعدين نتفا على كل حاجة و نجهز الشقة و قبل الفرح بيومين نبقى نبعت لاهلنا دعوه الفرح

اصل انا اصيلة برضه

حلوة مرسي خالص انا بحب الكلكيعه الخمسه ديه ربنا يعين الي هيجوزني ولا شكلي مش هجوز يلا لسه بدري

هههههههههههههه
اوه فصدي

وااااااااااااااااااااااااااااااااااااااااااااااااااااااااااااااااء