و يبقى نفس السؤال

مساء الجرح يا أجمل جروحي فينها دنياك
بكى وجه المكان اللي اتعود على طلت جبينك

زوايا غرفتي عطرك وقلبى بيترجي لقياك
ودفتر بيحضن أحلى الأماني وأجمل سنينك

تغيب وميغبش جوايا حبك .. وذكراك
ويكسر هيبتي نفس السؤال واحتضر فينك ؟

أسافر عنك وأتغرب أعاند حبك وأنساك
وتأخذني الدروب بغربتي لأقرب عناوينك

وأنام من الألم واصحى على صوتك ولا بلقاك
وألاقي نفس الزمان اللي وقف مابيني وبينك

وافضل فى حيرتي تايه هنا نصي ونصي هناك
وأكبر ذنب ارتكبته زرعت الروح في طينك

اشتريتك يوم.. و جه العالم رخصك وللألم خلاك
رضيت العيش في صحرا عشان أروي بساتينك

حبيبي كان هو قصدك تحطم عاشق بيهواك؟!
وتزرع في ضلوع اللي بيحبك نصل سكينك

وهبتك روحي ياعمري وأكيد أن الجسد بيفداك
وحاسب قبل ما تطعن .. أخاف تجرح ايدينك

حلاوة الموت يا قلبى لو يوصل على يمناك
ده أجمل شرف ليا أني أموت بطعنة يمينك

ولو طال العمر بكتب أحبك في سما دنياك
ويبقى السؤال اللي كـسـرني للأسف .. فينك ؟؟

مرسي يا سوزي

» صديقك يبقى صديقك حتى لو......