صدقوني بناتنا بخير .. و جيلنا مش جيل فاشل .. بس محتاجين القدوة ..

بصراحة عجبني موضوع جميل في المنتدى كتباه بنت رقيقة من جيلنا .. و ردوا عليه برضه بنات رقيقة من جيلنا .. جيلنا اللي بيقولوا عليه جيل فاشل .. ,, .. لأ يا شباب .. لأ يا بنات ..

جيلنا بخير صدقوني .. جوانا حاجات كويسة .. جوانا خير كتير بس للأسف .. محتاجيــــــن القــــدوة
اللي بيحكموا علينا بالفشل هما اللي بيفشلونا .. هما السبب في الحكم علينا بالفشل ..
مش مصديقين .. طيب إسألوا أي بنت أو أي ولد .. إسألوهم عن المشاهير .. اللي هتقولك ياي تامر حسني طبعا .. آه من عمرو دياب .. و لا قماح .. و لا .... و لا... و اللي هيقولك يالهوي على هيفاء وهبي .. و لا مريام فارس .. يعيني على نانسي عجرم ... و لا .. و لا ..

مين اللي وصل دول لينا .. هما دول القدوة بتاعتنا .. فين العلماء اللي بيعملوا لمصلحتنا .. في الأبطال اللي بيدافعوا عننا .. فين و فين و فين .... يبقى مين فينا الفاشل .. إحنا برضه .. مين اللي بعدنا عن ربنا و قربنا من الغنى و الرقص و الأفلام .. إحنا برضه ...

بصراحة عجبني موضوعكم يا بنات و الأجمل إنه جاء من بنات .. عجبني البنت اللي بتحب و نفسها حبيبها يسألها إنتي بتصلي ... نفسها وقت الأذان يقفل التليفون و يقولها نكمل بعد الصلى ..

في مثل جميل أنا عن نفسي مؤمن بيه جداً و بحترمه جداً ... و راء كل عظيم إمراة

إرفعوا راسكم يا بنات .. إعرفوا قيمتكم بقى .. في إديكم تنجحونا و في إديكم تغرقونا ..
طيب أقولكم سر ( بس الشباب ما يزعلوش ) إنتم عارفين الشاب مننا لما يحب بجد بجد و يلاقي الإنسانة اللي تحبه بجد بجد .. يبقى زي العجينة في إيدها .. أنا بأتكلم عن الحب بجد .
و وقتها يبقى حاجة من أربعــــة :
الأولى .. انها تكون إنسانة رائعة عارفة اللي ليها و اللي عليها .. بتخاف من ربنا و بتقضي فروضه و عارفة بوجوده في السر و العلن ..... و وقتها أكيد حبيبها .. لو صحيح حبيبها .. هيحس بالغيرة منها و أكيد هيحاول يغير من نفسه عشان يبقى جدير بيها .. و هيبقى حب جميل و هيبقى عظيم و وراه عظيمة فعلاً .
التانيــة .. أنها تكون إنسانة رائعة برضه بس ( زي كتييييير قوي مننا ) حاسة إنها مقصرة في حق ربنا و حق نفسها بتخاف من ربنا صحيح بس مش كفاية إرادتها أضعف من إنها تخليها ترضي ربنا في كل حاجة .. و دي بقى إذا حبت بجـد و حست إن حبيبها بيحبها بجد الجد ... أكيد هتخاف على حبها ليضيع .. و قتها هتحاول تقرب من ربنا و تدعي ربنا يحافظ لها على حبها و على حبيبها .. وقتها هتقعد مع نفسها و تفكر إزاي تغير من نفسها .. أكيد وقتها هتتحول للإنسانة الرائعة في حالتنا الأولى .. و وقتهــا حبيبها لو كان بيحبها بجد أكيد هيحس بالغيرة منها و هيعمل المستحيل عشان يغير من نفسه و يكون جدير بيها ..........
التالتــة .. إنها تكون إنسانة عاديـــة فيها الحلو و فيها الوحش الإتنين قد بعض .. فلو حبت بجد يبقى هي و حظها .. لو حبيبها إنسان محترم بيخاف من ربنا أكيد هيستغل حبها ليه و يحاول يغير منها و ساعتها هي هتبقى عجينة في إيده .. يقدر يظهر الحاجة الحلوة اللي فيها و يكبرها .. و وقتها هتحس بحبه ليها .. هتحس إنه سبب سعادتها و إنه هو اللي أخد بإديها و ظهر الحاجة الجميلة اللي جواها .. هيزيد حبها ليه و أكيد وقتها هيكون كل حياتها و بكده هتكون سبب سعادته .
الرابعـة .. و دي أكيد أكيد مش فينا .. إنسانة عادية لكن .. الوحش إتغلب على الحلو .. مش هيأثر فيها الكلام .. كله محصل بعضه .. أيام نعيشها بطولها و عرضها .. دي تعرفها علطول .. ما عندهاش مانع .. هاتي بوسة .. إتفضل يا قلبي .. طيب أقابلك فين .. إتفضل يا فلبي عندي .. البيت فاضي ...... ما في مرة تراجع نفسها تلومها ...... كله عادي .. كله محصل بعضه ...... و دي أكيد مش مننا و لا أقبلناها في حياتنا .. و لا نحب نقابلها .. لإننا مش هنحس إلا و إحنا بننزل معاها و وقتها مش هنحترم نفسنا و لا هنحترمها و لا هنحترم أي واحدة تانية .. حتى لو حاولنا نتغير مش هنقدر .. هنفتكر أن كل البنات زيهم و هنفقد الثقة في كل حاجة و نطلع من فشل لفشل .. ربنا ما يخلينا منهم يا رب

طولت عليكم يا شباب .. بس صدقوني موضوع مهم نفهمه و نفكر فيه ..
صدقوني الحب إحاس جميل .. بس لما يبقى في محله .. لما يرفع مش ينزل .. لما يبني مش يهد .. الحب أجمل شيء في الوجود لو عرفنا معناه و عشناه إحساس جميل و قوة و إردة ...

نصيحة لو حبيت بجد و حسيته .. و أتأكدت إنه حب .. بيغير فيك و يرفعك ..... إوعه تسيبه .. دافع عنه .. بس المهم تتأكد إنك بتحب و بتتبادل الحب .

على فكرة الموضوع ده منقول و ولد اللي كاتبه مع تحياتي لشباب و بنات فري تايم

» إبراهيم حسن: اتحاد الكرة فاشل ولا أحد يعلم الحقيقة