رايحين النار يعني رايحين النار...!!!

اخي الكريم عسر ولا تيسر والا تكن من الكفار ... والنار اولى بك

لما برجع بالشريط لورا لما كنت اصغر من كده يعني لما كان عمري حوالي 14 سنه وبدات اسمع شرايط دينيه واتعلم حاجات في ديني ..

المهم في الفتره دي كان فيه مشايخ بتسمع ليهم شرايط وكل ما تحط شريط لا يخرج عن الاتي ...

ها تروح النار

ها تروح النااااااااااار


مهما عملت داخل النار

اعمالكم هباء منثور

الدنيا ملهاش قيمه وازهد فيها

ها تروح النار

ها تتعذب في القبر

ها تولع ي جهنم

القبر فيه وفيه وفيه ...
تخيلوا فتره طويله من عمري كل المشايخ على المنوال ده ,,,
ترهيب ...خوف ....تعذيب ...
طيب ...ده عمل ايه معايا ...

خلاني اشوف الدنيا سوده وخلاني مليش دعوه بحد وما بحتكش بحد ومفيش اي رغبه اني اعمل حاجه غير اصلي واصوم وكمان ادعي اني ما ادخلش النار عشان كان فيه شرايط يقولك صلي وصوم واعمل حسابك على جهنم ... داخلها داخلها لو وقفت على دماغك داخلها داخلها

ال هو مبدا مفقود مفقود مفقود يا ولدي

ها تروح النار
وصلت مره اني رحت لبابا اقوله يا بابا سيب البيت بتاعنا ويلا نعيش في عشه عشان احنا ها نتحاسب على الفرش والبيت والحاجات ال عايشين فيها دي ..
وما بقاش حد بيكلمني ولا بكلم حد ما هو لو اتكلمنا ها يتحسب علينا كل نفس وها ندخل بيه النار بردوا ..

طبعا الحاله كانت لا تسر عدو ولا حبيب ...المهم ...

بدات بعدها مرحله تانيه ال عرفت فيها الدعاة الجدد وال على راسهم عمر خالد ربنا يجزيه خير ...

وبدات الاقي يعني ايه ان الانسان ربنا خلقه عشان يعمر الارض ويعني ايه نساعد الناس وعرفت ناس وبدانا نتغير للأحسن وكل املنا رضى ربنا عشان عاوزين نرضيه مش عشان الخوف من النار ..

فكري اتغير وبدات بجد ابقى نفسي ارضي ربنا اوووي وكل ما اعمل حاجه اقول يارب نفسي ترضى عني وكل ما افكر في النعم ال ربنا انعم بها عليا ات+++++ف اعصيه وابقى نفسي ارضيه اكتر واكتر وما بقتش النار هيا المحرك الرئيسي عشان امشي على الصراط لا بقى المحرك ال خلقني ورزقني ...

طيب انا واحده من الناس ال الترهيب والخوف بيرجعوها لورا مش بيطلعوها لقدام ...واكيد في ناس تانيه كتير كده ...

ولقيت نفسي بخشى ربنا اكتر لما عرفت يعني ايه حب الله مش الخوف من الله ..

فرقت معايا جدا ..

تيجي تلاقي ناس ومشايخ كبار يذموا في الدعاه الجدد ويفهموك انك ما دام بتسمع لهم فانتا من الكفار ....

هما المبدا عندهم الدين عسر ودعاتنا الجدد بيقولوا الدين يسر ...

يعني فئه المشايخ عسر ولا تيسر

فئة الدعاه الجدد يسر ولا تعسر ..

لما اتعمقت اكتر في قراءة القران لقيت انك كل ما بتمر على جزء بتلاقي حاجات كتير زي المعاملات الاخلاق العبادات وقصص الانبياء ولما تيجي على الجزء التلاتين تلاقي بدا التركيز على العذاب وجهنم ...

يعني سبحانه وتعالى ال خلقنا وال انزل القران في ترتيبه ...الترغيب اكتر من الترهيب ...

29 جزء تقريب لله تعالى ...وجزء واحد ترهيب ..

طيب احنا في حياتنا ومع امتنا ال عماله ترجع بالمشوار لورا مش شايفين ده غلط ...؟؟


منقول مع بعض الاضافة

ييييييييييييييينك من زمااااااااااااااااااااااااااااااااان


الموضوع جااااااااااامد

بجد يا سوزي موضوع مهم جدا

وبجد مرسي على موضعك

تسلم ايدك على الموضوع يا قمر

جاااامد